Для навучэнцаў другога курса адбылася прэзентацыя кнігі " генацыд беларускага народа. Лагеры смерці", падрыхтаванай выдавецтвам " Беларусь " сумесна з Генеральнай пракуратурай Рэспублікі Беларусь.
У аснове матэрыялы з крымінальнай справы: дакументы аб карных аперацыях, Халакосце і асабістыя гісторыі відавочцаў крывавых падзей. На працягу некалькіх гадоў фашысты спальвалі і разбуралі нашы гарады і вёскі. У гады акупацыі ў Беларусі было створана больш за 500 лагераў смерці, забіта каля 3 мільёнаў мірных жыхароў.
На тэрыторыі Беларусі фашысцкай Германіяй выкарыстоўваліся ўсе віды лагераў смерці, усе даступныя спосабы знішчэння насельніцтва, пачынаючы ад стварэння невыносных умоў жыццядзейнасці і існавання – гета, фільтрацыйныя лагеры, і заканчваючы фізічным знішчэннем мірных грамадзян.
Кніга " генацыд беларускага народа. Лагеры смерці " спрыяе захаванню гістарычнай праўды і памяці аб разбуральных падзеях Вялікай Айчыннай вайны, якія ніколі больш не павінны паўтарыцца на нашай зямлі.
